كيف تصنعين الطعمية والعجة في وجبة السحورفي منزلك؟

كيف تصنعين الطعمية والعجة في وجبة السحورفي منزلك؟

الطعميه والعجه  من الأكلات الأساسيه  خاصة فى وجبه السحور ، فى شهر رمضان المبارك، لذا تعلمى كيف تصنعين الطعمية والعجهة  فى منزلك، الشيف سمر وجيه صاحبه مطبخ اطبخى بأيدك تقدم طريقه عمل وتصنيع الطعميه فى منزلك قائله:

 المقادير:

أحضرى كيلو فول مدشوش، (او 3/4 كيلو فول مدشوش و1/4 كيلو حمص)، ثم حزمه كزبره خضراء(بلاش بقدونس عشان بيخلي الطعميه تسود)، ثم أحضرى حزمه كرات، و6 بصلات خضراء ومن

10:8  فصوص توم.

طريقه التحضير :

الأول نغسل الفول المدشوش والحمص جيداً ، وننقعهم ، و من ممكن الفول ننقعه 12 ساعه في التلاجه، والحمص قبلها بيوم كامل نغير الميه المنقوع فيها ، نقطع الكزبره والشطه والبصل والكرات، نضيفهم علي الفول والحمص ثم  نفرمهم، نقسم العجينه في اكياس.

ونخرج الهواء من الكيس ونقفله انا بقفل طرف الكيس بالدباسه، ونضعه في الفريزر، وقت الاستخدام هنطلع العجينه من الفريزر تفك، ونضيف عليها الملح والكمون والشطه واهم حاجه الكزبره الناشفه، ونضيف  شويه بيكنج بودر حوالي معلقه صغيره، وشويه ميه صغيرين ونقلبهم كويس، ونقليهم في الزيت.

وتتابع الشيف  من نفس العجينه  من الممكن عمل عجه طعميه:

أحضرى كيس من عجينه الطعميه

3 بيضات

1 طماطم مقطعه رفيع

1 بصله مقطعه ناعم جدا

1 شطه خضراء مقطعه

1 معلقه بودر

ملح وفلفل وكمون وشطه وكزبر ه أتخلطيهم كلهم مع بعض

والمفروض نقليهم في زيت غزير.

ملحوظة: استخدمى طاسه تيفال وحطي فيها معلقه زيت واحده وقليت العجه شويه شويه ، ثم ضع في الطاسه معلقه زيت لحد ما تسخن، نضيف شويه من خليط العجه، حتى ما تتحمر من تحت وبعدين نقلبها بس تكون النار هاديه عشان ماتتحرقش من بره ويفضل قلبها ني.

الوسوم